მინისტრი-აუცილებელია დევნილი მოსახლეობისთვის ღირსეული საცხოვრებელი პირობების შექმნა

მინისტრი-აუცილებელია დევნილი მოსახლეობისთვის ღირსეული საცხოვრებელი პირობების შექმნა

რეგიონული განვითარებისა და ინფრასტრუქტურის მინისტრი მაია ცქიტიშვილი ყოფილი ოკუპირებული ტერიტორიებიდან იძულებით გადაადგილებულ პირთა, დევნილთა და განსახლების სამინისტროს ტექნიკური დეპარტამენტების წარმომადგენლებს შეხვდა.
მთავრობის სტრუქტურული რეფორმის ფარგლებში, რომლის მიხედვითაც სამინისტროების რაოდენობა შემცირდა, რეგიონული განვითარებისა და ინფრასტრუქტურის სამინისტროს სოზარ სუბარის ყოფილი უწყებიდან დევნილთა განსახლების ფუნქცია გადაეცა.
მაია ცქიტიშვილი სხვადასხვა სამსახურის  მუშაობის სპეციფიკით დაინტერესდა. მინისტრმა  მოისმინა დეტალური ინფორმაცია დევნილებისთვის საცხოვრებელი კორპუსების მიმდინარე მშენებლობების შესახებ, დაინტერესდა რა სახის პრობლებემი არსებობს და როგორ შეიძლება მათი მოგვარება. 
,,მიმდინარეობს  სტრუქტურული გადალაგების პროცესი. ჩვენი ამოცანაა ვადებისა და ხარისხის დაცვით, სწორად დავგეგმოთ სამომავლო პროცესი, რათა დევნილი მოსახლეობისთვის ღირსეული საცხოვრებელი პირობები შევქმნათ“- განაცხადა მაია ცქიტიშვილმა.  
დევნილთა განსახლების ფუნქცია რეგიონული განვითარებისა და ინფრასტრუქტურის სამინისტროს საქვეუწყებო დაწესებულების - მუნიციპალური განვითარების ფონდის კომპეტენციაში გადავიდა.